«Armleasing»-ը եւ «Triple Jump»-ը նոր համագործակցությամբ ընդլայնում են ՓՄՁ-ների ֆինանսավորումը .banks.am
«Armenian Leasing Company»-ն («Armleasing») եւ «Triple Jump» միջազգային ներդրումային կառավարման ընկերությունը ստորագրել են նոր ֆինանսավորման համաձայնագիր՝ ASN Microkredietpool ֆոնդի շրջանակում։ «Armleasing» ընկերությունում նշել են, որ գործարքը կարեւոր ներդրում է Հայաստանի միկրո, փոքր եւ միջին ձեռնարկությունների (MSME) զարգացման, տնտեսության մրցունակության բարձրացման եւ բիզնես միջավայրի ամրապնդման գործում։MSME ֆինանսավորման ընդլայնում՝ «Triple Jump»-ի հետ համագործակցության շրջանակումՀայաստանի լիզինգային ոլորտը վերջին տարիներին շարունակում է դինամիկ աճ գրանցել՝ հատկապես գյուղատնտեսության, արտադրության, ծառայությունների եւ տեխնոլոգիական ոլորտներում։ «Armleasing»-ը, լինելով շուկայի առաջամարտիկը, շարունակում է ընդլայնել ֆինանսավորման համապարփակ լուծումները՝ ապահովելով ժամանակակից սարքավորումների եւ տեխնոլոգիաների հասանելիություն Հայաստանի բիզնեսներին։«ArmLeasing»-ի ազդեցությունը տնտեսության վրա.• 37% հաճախորդներ՝ ՀՀ մարզերից• 80% պորտֆել՝ ուղղված միկրո, փոքր եւ միջին բիզնեսներին• 25% ֆինանսավորում՝ կանանց կողմից ղեկավարվող կամ կանանց ուղղված բիզնեսներին• 30% կանաչ ֆինանսավորում՝ կայուն եւ էներգաարդյունավետ նախագծերի իրականացման համարԱյս ցուցանիշները վկայում են «Armleasing»-ի ներդրման մասին՝ որպես տնտեսական զարգացման եւ տարածաշրջանային ֆինանսական հասանելիության խթանող։«Հայկական լիզինգային ոլորտը զարգանում է մեծ թափով, եւ դրա աջակցությունը հնարավորություն է ստեղծում MSME-ներին ձեռք բերել գործունեության համար անհրաժեշտ սարքավորումներ։ «Armleasing»-ն իր մարզային ընդգրկվածությամբ եւ կանանց ձ
եռներեցների աջակցմանն ուղղված նախագծերով օրինակելի գործընկեր է՝ տնտեսական աճը խթանելու համար»,- նշել է «Triple Jump»-ի ավագ ներդրումային մասնագետ Թամար Բասիլաշվիլին։««Triple Jump»-ի հետ համագործակցությունը համահունչ է մեր ռազմավարական նպատակներին՝ ընդլայնելու ֆինանսավորման հասանելիությունը, արագացնելու ներդրումային ծրագրերը եւ խթանելու ժամանակակից սարքավորումների հասանելիությունը Հայաստանի բիզնեսների համար։ Մենք համոզված ենք, որ ներգրավված լրացուցիչ միջոցները զգալի ազդեցություն կունենան հատկապես մարզային համայնքների, արտադրության եւ ծառայությունների ոլորտների վրա՝ ձեւավորելով ավելի ուժեղ, կայուն եւ մրցունակ տնտեսական միջավայր»,- ասել է «Armenian Leasing Company» UCO CJSC-ի գլխավոր գործադիր տնօրեն Արսեն Բազիկյանը։Ֆինանսավորման ազդեցությունն ու նպատակներըՆոր ներդրումային համագործակցության շրջանակում տրամադրվող միջոցները ուղղվելու են․• Բիզնեսների նախագծերի զարգացմանը • Նոր ներդրումների խրախուսմանը• Արտադրական եւ տեխնոլոգիական հզորությունների ընդլայնմանը• Ֆինանսավորման հասանելիության բարձրացմանը, հատկապես մարզերում• Կայուն, մրցունակ բիզնես միջավայրի ամրապնդմանը։«Armenian Leasing Company» UCO CJSC -ի մասին«Armenian Leasing Company» UCO CJSC-ը Հայաստանի լիզինգային շուկայի առաջատար ընկերություններից է, որը տրամադրում է արագ, ճկուն եւ նորարարական ֆինանսավորման լուծումներ տարբեր ոլորտներում գործող բիզնեսների համար։ Ընկերությունը կարեւոր դեր ունի տնտեսության տեխնոլոգիական զարգացման, բիզնեսների աճի եւ ներդրումային միջավայրի ակտիվացման գործում։
