Շենգավիթի ոստիկանները փաթեթներով թմրամիջոց տեղադրող երիտասարդի են ձերբակալել
Համայնքային ոստիկանության Շենգավիթի բաժնի ծառայողները, իրացնելով օպերատիվ տեղեկությունները, հունիսի 22-ին Եղիշե Թադևոսյան փողոցում ապօրինի թմրանյութ պահելու, օգտագործելու և իրացնելու հիմնավոր կասկածանքով ձերբակալել և բաժին են ներկայացրել 28-ամյա մի երիտասարդի։ Նրա անձնական խուզարկությամբ հայտնաբերվել է մոխրացած հետքերով կաթուցիչ։Պարզվել է, որ նա «Տելեգրամ» հավելվածով ձեռք է բերել թմրանյութ և տեղադրել Երևանի տարբեր վայրերում։Նախաձեռնված քրեական վարույթի շրջանակում կատարված զննությամբ երիտասարդի մատնանշած վայրերից հայտնաբերվել են մարիխուանա տեսակի թմրամիջոցի փաթեթներ:Երիտասարդը ներկայացվել է նախաքննական մարմին։
Նախաքննությամբ հանգամանքները պարզվում են: ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
