🎥 «Մի դրամի ուժի» հետ համագործակցությամբ կայացել է «Դեմ Առ Դեմ» մարզային ֆորումը .banks.am
Մարտի 29-ին Տաշիրի մշակույթի տանը տեղի է ունեցել «ԴեմԱռԴեմ․ Սերունդների երկխոսություն մարզային ֆորում»-ը, որի գլխավոր հովանավորներն այս տարի IDBank եւ Իդրամ ընկերություններն էին՝ «Մի դրամի ուժ»-ը կորպորատիվ սոցիալական պատասխանատվության ծրագրով։ Նախաձեռնության հեղինակը «Մարզերի երեխաները մարզերում» սոցիալ-կրթական ՀԿ-ն է, որի նպատակն է ստեղծել հայրենատեր, կիրթ, ամուր արժեհամակարգով առաջնորդների ապակենտրոն համայնք՝ հանուն Հայաստանի համաչափ զարգացման։Միջոցառման մեկնարկի խոսքում IDBank եւ Իդրամ ընկերությունների հաղորդակցության եւ սոցիալական պատասխանատվության ծրագրերի վարչության ղեկավար Տաթեւիկ Վարդեւանյանը նշել է, որ «Մի դրամի ուժի» համար առանձնահատուկ կարեւորություն ունեն մարզային երիտասարդությանը եւ առհասարակ երիտասարդ սերնդին կրթող, առաջնորդական հմտություններ սովորեցնող եւ նոր հորիզոններ ստեղծող ծրագրերը․ «Իդրամը եւ IDBank-ը շատ կարեւորում են մարզերի զարգացումն ու մարզային երիտասարդության համար լրացուցիչ հնարավորությունների դռներ բացելը, որովհետեւ այսօր մենք ունենք իսկապես շատ պայծառ երիտասարդներ, որոնք մեր ապագան են կերտելու»:«Մարզերի երեխաները մարզերում» սոցիալ-կրթական ՀԿ նախագահ Արամայիս Մարգարյանի համոզմամբ՝ այսօրինակ նախաձեռնություններն առանց գաղափարակիցների աջակցության հնարավոր չէ կյանքի կոչել․ ««Մի դրամի ուժն» իր չափով աջակցությամբ ու ռեսուրսներով ապահովեց ֆորումի կայացումը, մենք էլ մեր համայնքի ու կամավորների ուժերով եւ ներգրավվածությամբ կարողացանք գետնի վրա իրականության վերածել այս ամենը, ինչի համար շնորհակալ ենք»։Նշվում է, որ ֆինանսական բաղադրիչից բացի, IDBank եւ Իդրամ ընկերությունները ֆորումին միացել են նաեւ կրթական ծրագրով, որի շրջանակում ավելի քան 150 երիտասարդ Հայաստանի բոլոր մարզերից մասնակցել է ֆինանսական գրագիտության օնլայն սեմինարների, որոնց ամենաակտիվ մասնակիցները Իդրամ եւ IDBank ընկերությունների կողմից արժանացել են խորհրդանշական նվերների։ «Մի դրամի ուժի» թիմը նաեւ ստանձնել է ֆորումի խոսնակներից արցախցի Սվետլանա Մովսիսյանի ելույթի մենտորությունը։ Ֆորումի երկրորդ գլխավոր գործընկեր՝ Ucom ընկերության գլխավոր տնօրեն Ռալֆ Յիրիկյանի վարած պանելային քննարկմանն բանախոսներն էլ ՄԵՄ-ի նախորդ տարվա լավագույն խոսնակներն էին։Միջոցառման ավարտին ֆորումի մասնակից բոլոր պատանի խոսնակներն Իդրամ եւ IDBank ընկերությունների կողմից արժանացել են 50 000 դրամի չափով idcoin-ների։ Իդրամից եւ IDBank-ից հիշեցնում են, որ ֆորումի մասնակցությունն այս տարի բացառապես տոմսերով էր, որոնք ունեին խորհրդանշական գին՝ ընդամենը 1 դրամ։ Կազմակերպիչներն այսկերպ նպատակ են ունեցել ցույց տալ, թե որքան կարեւոր ու մեծ ուժ կարող են դառնալ մեկ դրամները, երբ համատեղվում են․ IDBank-ն ու Իդրամը յուրաքանչյուր վճարումից իրենց սեփական միջոցներից մեկ դրամ են հատկացնում «Մի դրամի ուժը» նախաձեռնությանը։ԴեմԱռԴեմ․ Սերունդների երկխոսություն մարզային ֆորումը եզրափակվել է «Լավ էլի» խմբ
ի համերգով։Ընկերությունները վերահսկվում են ՀՀ ԿԲ կողմից:
