Երկրորդ ընթերցմամբ քննարկվել են «Լեզվի մասին» եւ «Կրթության մասին» օրենքներում առաջարկվող փոփոխությունները
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի՝ հոկտեմբերի 16-ի նիստում երկրորդ ընթերցմամբ քննարկվել են մի շարք օրենսդրական նախաձեռնություններ: ««Լեզվի մասին» օրենքում փոփոխություններ կատարելու մասին» օրինագիծը ներկայացրել է ՀՀ կրթության, գիտության, մշակույթի եւ սպորտի նախարար Ժաննա Անդրեասյանը: Նրա խոսքով առաջին ընթերցումից հետո Կառավարությունը ներկայացրել է առաջարկներ, որոնք ընդունվել են: Դրանք միտված են սահմանված ձեւակերպումներն առավել հստակեցնելուն: Հիմնական փոփոխությունները՝ այստեղ: «Լեզվական քաղաքականությունը պետության ու պետականության ամրապնդման կարեւորագույն գործիքակազմերից մեկն է, եւ մենք այս ուղղությամբ պետք է ավելի համակարգային մատեցումներ որդեգրենք»,-ընդգծել է նախարարը՝ պատասխանելով հանձնաժողովի անդամների հարցերին: Նիստում ընդունվել է պատգամավորների առաջարկը: Նախարարը նաեւ ներկայացրել է հանրակրթության ոլորտում լիազոր մարմնի սահմանմանն առնչվող նախաձեռնությունը: Ժաննա Անդրեասյանի խոսքով առաջինից երկրորդ ընթերցում Կառավարությունը ներկայացր
ել է մի շարք առաջարկներ: Հստակեցվել են վարչատնտեսական համակարգողի նշանակման հետ կապված հարաբերությունները: Հաջորդ բովանդակային փոփոխությունը վերաբերում է մանկավարժական աշխատողի սահմանմանը: Առաջարկվում է մասնագիտացված կրթական, մանկավարժահոգեբանական ծառայություն իրականացնող կառույցների աշխատակիցների ստաժը նույնպես համարել մանկավարժական ստաժ: Նիստում հանրակրթության ոլորտին առնչվող առաջարկ է ներկայացրել հանձնաժողովի անդամ Նարեկ Բաբայանը, որն ընդունվել է: «Կրթության մասին» եւ կից օրենքներում նախատեսվող կարգավորումները՝ այստեղ: Քննարկված նախաձեռնությունները ստացել են դրական եզրակացություն:
