🎥 Ապօրինի «Կալաշնիկովը» հայտնաբեվեց ձերբակալվածի բնակարանում. Արմավիրի ոստիկանների բացահայտումը
Համայնքային ոստիկանության Արմավիրի բաժնում ստացվել էր տեղեկություն, որ Արմավիր քաղաքի բնակիչ 40-ամյա տղամարդը տանը պահում է ինքնաձիգ, նաև Արարատի ու Սյունիքի մարզի բնակիչ երկու ընկերոջ հետ ապօրինի պահում և օգտագործում է թմրանյութ:Տեղեկությունը ստուգվեց, և սեպտեմբերի 15-ին երեքն էլ ձերբակալվեցին, իսկ արմավիրցու տունը վերցվեց հսկողության:Ձերբակալվածներից մեկի խուզարկությամբ հայտնաբերվեց ապակե երկու ծխամորճ` մեթամֆետամինի նմանվող հետքերով, իսկ երկրորդի մոտ եղած ծխախոտի տուփը լցված էր մարիխուանայի նմանվող զանգվածով:Ձերբակալվածներն ու կազմված փաստաթղթերը ներկայացվեցին Արմավիրի մարզային քննչական վարչություն, նախաձեռնվեց
քրեական վարույթ:Արմավիրցու տան զննությամբ հայտնաբերվեց «Կալաշնիկովի» ինքնաձիգը` փամփշտակալով և 18 փամփուշտով, նաև` զինվորական չորս սաղավարտ:Երեքն էլ տեղափոխվել են ձերբակալվածների պահման վայր, նախաքննությամբ հանգամանքները պարզվում են: ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
