🎥 Ակբա Ֆեդերացիա. Ինչպես զարգացնել ագրոոլորտը Հայաստանում. նոր հորիզոններ ստարտափների համար .banks.am
Ակբա բանկի գլխավոր գործընկերությամբ անցկացվող Sevan Agritech Summit-ի շրջանակում Ակբա Ֆեդերացիան ներկայացրել է Հայաստանում նորարարական գյուղատնտեսության զարգացման, թվայնացման եւ աջակցման հնարավորությունները՝ շեշտադրելով նաեւ, թե ինչպես է հնարավոր գյուղատնտեսությունը դարձնել գրավիչ ոլորտ երիտասարդների համար։Գաղափարից մինչեւ բիզնես ճանապարհին Ակբա Ֆեդերացիան դարձել է ավելի քան 80 ստարտափի գործընկեր եւ խորհրդատու։ Վերջին երկու տարվա ընթացքում կազմակերպվել են վերապատրաստման դասընթացներ շուրջ 600 ֆերմերային տնտեսությունների համար։«Հայաստանում նորարարական գյուղատնտեսության զարգացման համար աշխատում ենք մի շարք ուղղություններ։ Ամենաառանցքային ուղղություններից մեկը կրթությունն է՝ հատկապես երիտասարդ ֆերմերային տնտեսությունների շրջանում, երկորդը՝ աշխատանքն է ստարտափների հետ, որտեղ եւս շատ երիտասարդներ ունենք, եւ երրորդը՝ իննովացիաների տարածումը, որոնք չեն պահանջում մեծ ու խոշոր ներդրումներ։ Կարեւորագույն բաղադրիչը, որին ուշադրություն ենք դարձնում, ֆինանսական գրագիտության
բարձրացումն է, որը մենք իրականացնում ենք համապատասխան դասընթացների կազմակերպմամբ»,- նշել է Ակբա Ֆեդերացիայի գլխավոր տնօրեն Հարություն Պողոսյանը։«Ակբա Ֆեդերացիան իր գործունեությամբ խթանում է նորարարական գյուղատնտեսության եւ գյուղական համայնքների համաչափ զարգացումը՝ նպատակ ունենալով ձեւավորել այնպիսի բիզնես միջավայր, որտեղ գյուղաբնակները կտեսնեն իրենց ապագան՝ ապրելով, աշխատելով եւ ստեղծագործելով հենց իրենց համայնքներում»,- ասվում է հաղորդագրությունում։Ակբա Ֆեդերացիան Ակբա բանկի միակ նշանակալից մասնակիցն է, բանկի բաժնետոմսերում ունի ավելի քան 81% մասնաբաժին: Ակբա բանկում ունեցած մասնակցության շնորհիվ Ակբա Ֆեդերացիան նպաստում է Հայաստանի ողջ տարածքում գյուղատնտեսության, գյուղական շրջաններում փոքր եւ միջին բիզնեսի զարգացմանը, համայնքների զարգացմանը, գյուղական շրջաններում եւ համայնքներում բիզնես միջավայրի աշխուժացմանն ու զարգացմանը, նշված ոլորտներում ձեռնարկատիրական գործունեություն իրականացնող յուրաքանչյուր անձի բարեկեցության աճին:
