Արուսյակ Ջուլհակյանը հանդիպել է Մոդել ԵՄ կոնֆերանսի շրջանակում Երեւան ժամանած եվրոպական առաջատար մի շարք բուհերի ուսանողների հետ
ՀՀ ԱԺ «Քաղաքացիական պայմանագիր» խմբակցության պատգամավոր, Պետական-իրավական հարցերի մշտական հանձնաժողովի նախագահի տեղակալ Արուսյակ Ջուլհակյանը սեպտեմբերի 25-ին հանդիպել է Մոդել ԵՄ կոնֆերանսի շրջանակում Երեւան ժամանած եվրոպական առաջատար մի շարք բուհերի ուսանողների հետ: Ողջունելով հյուրերին Հայաստանի խորհրդարանում` Արուսյակ Ջուլհակյանը ներկայացրել է օրենսդրի մարմնի կառուցվածքը, խոսել հանձնաժողովներում իրականացվող աշխատանքների, օրենքների նախագծերի մշակման գործընթացի մասին: Միջազգային հարաբերությո
ւններում պատգամավորն ընդգծել է խորհրդարանական դիվանագիտության դերն ու նշանակությունը: Լինելով միջխորհրդարանական հանձնաժողովներում, կազմակերպություններում ՀՀ ԱԺ պատվիրակության անդամ՝ Արուսյակ Ջուլհակյանը կարեւորել է միջազգային կառույցներում խորհրդարանական բարեկամական խմբերի հետ իրականացվող աշխատանքը: Նա պատասխանել է ուսանողների հարցերին՝ անդրադառնալով ՀՀ-ԵՄ հարաբերությունների զարգացման ու խորացման հեռանկարներին:
