Երևանի պետական կամերային երգչախումբը Սերբիայում արժանացել է Կայսր Կոնստանդին Մեծի շքանշանի
ՀՀ կրթության, գիտության, մշակույթի և սպորտի նախարարության աջակցությամբ Երևանի պետական կամերային երգչախումբը Սերբիայում մասնակցել է Music Edict եկեղեցական երաժշտության միջազգային փառատոնին։ Փառատոնի շրջանակում երգչախումբը հանդես է եկել երկու համերգով՝ Սերբիայի Նիշ քաղաքի Սուրբ երրորդության Մայր տաճարում և Բելգրադի Սուրբ Սավվայի տաճարում։ Համերգների ընթացքում հնչել են Մեսրոպ Մաշտոցի, Կոմիտասի, ինչպես նաև հայ ժամանակակից կոմպոզիտորների խմբերգեր։ Փառատոնի ավարտին ԵՊԿԵ-ն արժանացել է Կայսր Կոնստանդին Մեծի շքանշանի և շնորհակալագրի: Music Edict փառատոնն անցկացվում է 2009 թվականից՝ երկու տարին մեկ անգամ, որի ընթացքում մասնակ
իցները կատարում են իրենց երկրների հոգևոր երաժշտությունը՝ մայրենի լեզվով։ Փառատոնը կազմակերպվում է Նիշ քաղաքում՝ Կոստանդին Մեծի ծննդավայրում՝ ընդգծելու դրա նշանակությունը՝ որպես քրիստոնեական աշխարհի կարևոր կենտրոններից մեկը և ստեղծելու պատմական կամուրջ Արևելքի և Արևմուտքի միջև։
