Գորիսը դառնալու է աշխարհի ամենականաչ քաղաքներից մեկը
Առուշ Առուշանյան, Գորիսի համայնքապետ Որպես Գորիսի համայնքապետ, իմ առջև հստակ նպատակ եմ դրել՝ մեր սիրելի Գորիսը պետք է դառնա աշխարհի ամենականաչ և ամենամաքուր քաղաքներից մեկը: Այս նպատակին մենք ամեն գնով հասնելու ենք, և արդեն իսկ զգալի արդյունքներ ունենք:
2017 թվականից սկսած՝ յուրաքանչյուր տարի մեր քաղաքում տնկվել են հազարավոր մշտադալար ծառեր և թփեր: Այս համատեղ ջանքերի շնորհիվ արդեն տեսանելի դրական փոփոխություններ են նկատվում Գորիսի տեսքում և միջավայրում: Բարձրյալի օրհնությամբ և միասնական աշխատանքով Գորիսը կդառնա աշխարհի ամենականաչ և մաքուր քաղաքներից մեկը: Մեծ աշխատանք է տարվել, և արդյունքները տեսանելի են բոլորիս համար, սակայն մեր ձեռնարկած գործը դեռ շարունակվում է:
Ուստի կոչ եմ անում բոլոր գորիսեցիներին՝ դառնալ մեր քաղաքի իսկական տերը: Յուրաքանչյուր բնակչի հոգատարությունը՝ իր տան շրջակայքում տնկված թեկուզ մեկ ծառի հանդեպ, մեծ ներդրում է մեր ընդհանուր գործում: Միասին՝ քայլ առ քայլ, անպայման կհասնենք մեր նպատակին. ՈՉ ԹԵ ՎԱՂԸ, ԱՅԼ ՀԵՆՑ ԱՅՍՕՐ։
