«ԱԲ սերունդ» փորձարարական ծրագրի տեղեկատվական հանդիպումներ
Մեկնարկել են «Արհեստական բանականության սերունդ» փորձարարական ծրագրի տեղեկատվական հանդիպումները ՀՀ մարզերի հանրակրթական դպրոցների 10-րդ դասարան փոխադրվող երեխաների և նրանց ծնողների համար։ 2025-2026 ուսումնական տարում «ԱԲ սերունդ» ծրագիրը հասանելի է լինելու ՀՀ բոլոր մարզերում. այդ նպատակով 22 ավագ դպրոցներում նախատեսվում է ընդունելություն։ «ԱԲ սերունդ» դպրոցական փորձարարական ծրագիրն իրականացվում է 2023 թվականից՝ ԿԳՄՍ նախարարության և Հայաստանի գիտության և տեխնոլոգիաների հիմնադրամի (FAST) համագործակցությամբ: Արհեստական բանականության ոլորտի գիտնականի կրթական ուղին ստեղծելու նպատակով իրականացվող ծրագիրը նախատեսված է 10-1
2-րդ դասարանների աշակերտների համար: Ծրագրի շրջանակում արդեն ավագ դպրոցից սովորողներն ուսումնասիրում են արհեստական բանականություն, Python ծրագրավորման լեզու և խորացված հանրահաշիվ։ Տեղեկատվական հանդիպումները կազմակերպվում են ծրագրի մանրամասները, հնարավորություններն ու ընդունելության կարգը ներկայացնելու նպատակով: Տեղեկատվական հանդիպումների ժամանակացույցին ծանոթանալու ու մասնակցելու համար անհրաժեշտ է գրանցվել հետևյալ հղումով։ «ԱԲ սերունդ» ծրագրի մասին մանրամասն տեղեկատվությունը հրապարակված է հիմնադրամի կայքում։
